【Lesson 4 | 電影圈「唔講」潛規則🎬 】
* 靠人脈搵工：
* 呢行好少喺jobsDB或者公司網頁公開請人
* 搵人開戲，多數係靠行內人介紹，或者share contact
* 副導演、場記、製片、機燈、美術、道具、服裝、場務，全部都係咁
* 基本上係freelance模式，你做得好，人哋先會再搵你
* 同自己部門、其他部門嘅關係，都係有冇工開嘅關鍵
* 因為拍戲係teamwork，夾唔夾到好重要。咁新人點算？遲啲再開post講
* 飯盒：
* 唔好隨便攞飯盒，最好問清楚茶水姐姐/場務哥哥
* 素食飯盒，可能係crew或者劇務預訂
* 點心好多時係導演嘅早餐
* 拍廣告嘅膳食好過拍電影
* 電影早餐通常係包或者排骨/肉餅飯
* 廣告早餐通常係茶餐廳三文治、通粉、麵。
* 總之睇清楚先攞，唔好亂嚟。
* 導演冇叫食飯，crew最好唔好食，或者部門內部夾好輪流食。
* 唔開冷氣機：
* 唔係冇錢開冷氣，而係有一些舊的冷氣聲太大，影響收音
* 好多時收音組/製片組就會拎住冷氣機遙控，拍緊個時就變咗焗桑拿
* 冇roll機嘅時候先會開返
* 唔好亂拎嘢：
* 唔係你部門嘅嘢，一定要問清楚先攞
* 你攞走咗，人哋要用嘅時候會好麻煩
* 借咗一定要還
* Applebox：
* Applebox好好坐，但係機組要用嘅時候，唔好霸住
* 鏡頭箱：
* 唔係用嚟坐嘅！
* 道具食物飲品：
* 唔好亂食道具美術嘅食物飲品，請拍完先問！
* 你哋食晒，到時冇得拍......
* Mon壇：
* 導演、編劇、監製、演員優先坐mon壇
* 新人唔好亂坐前排
* 後排crew可以坐，但要讓俾要睇mon嘅部門e.g. 副導演/美術/服裝/化裝等
* 攞電：
* 問清楚製片組，或者搭景美術道具組，邊個電位可以用
* 食飯時間：
* 食飯好似係基本，但係呢行好奇怪
* 好多導演唔鍾意食飯，有時唔會跟導演單嘅時間食
* 但係都會有彈性，例如飯早到或啱啱拍完一場就早啲食
* 唔好亂share嘢：
* 劇本、導演單、連戲相、道具場景相、造型相，全部唔可以share
* 版權係電影公司嘅，要等上映先可以share。
* 所有嘢都係機密！
* ****不論演員/特約/工作人員同樣都要尊重電影/拍攝工作機密原則🤫
* 的士錢：
* 唔係咩時間都可以claim的士錢
* 開工前/收工，太早太夜都唔計
* 劇組通常會安排車喺旺差/器材公司/公司接送去現場
* 特殊情況，例如劇組冇車安排，或者地方太遠，劇務叫你搭的士，先可以claim
* 預先問清楚各部門做法
* 搵演員影相/簽名：
* 喺拍攝現場搵演員影相/簽名，係好討厭嘅行為。收工或演員煞科是ok
* 預先問經理人/助手，睇吓咩時間方便
* 就算你幾鍾意佢，喺現場亂嚟都係死罪
* 尊重前輩：
* 電影圈嘅輩份觀念仲好重
* 早入行、經驗多嘅人，係前輩，要尊重
* 但係唔係盲目聽話，自己要識得判斷
* 效率和合作 ：
* 講求效率，乜都講求快，現場更加係分秒必爭
* 專業盡力完成自己部門工作＝「搏命」
* 大家都慣咗要夾，要合作，唔分你我
* 場務會幫道具搬嘢，美術會幫服裝拎衫，大家都好有愛
* 呢行做嘢，要快、要搏命、要識夾人，人際關係好重要
本文所表達的觀點僅為個人意見，不代表任何機構或團體的立場。
讀者應根據自身情況做出判斷，對於任何因閱讀本文內容而產生的後果，作者不承擔責任。
