首先多謝大家會睇下，雖然老闆並不是咩大師，但希望以個人身份
可以令不同拍攝的新人都有人幫你。老闆N年前都係新人，都會有和你一樣遇到
不同的問題。而到今時今日，電影廣告電視圈都不停變緊，所以更需要我們去
加強每一位夥伴令你們作為新人未失望，沒人幫你之前等我哋去支持一下各位。
希望哩一本電影新人武林秘笈，你拎到係手沒咁驚。
初次入行唔使驚！以下10條黃金法則助你穩住陣腳，穩穩開工👇🏻
LESSON 1 ｜幕後新人求生秘笈
1 ) 睇通告單（Call Sheet）
通告單係你嘅「生存地圖」！搞清楚當日流程，知自己幾點到、拍咩場次，安心開工唔會亂晒陣。
2) 準備好開工（Your Gear）
因應地點準備裝備個人衣物及開工袋！好似上山拍戲記得帶外套，戶外帶帽&防曬。到時辛苦既係你自己🙃。
3)好好溝通（Talk）
問題大多數出於溝通不足，唔識就問，唔清楚就同部門傾，未開拍前先講清楚，唔好臨場出事！
4) 準時（Time Management）
⏱️準時係基本！千萬唔好令全世界等你一個，真係冇咁大面。
5)態度（Attitudes）
記住每一個部門的老細都係睇能力以外係你的態度！新舊人一樣，如果對人差同事會記住你。
哩個都係老闆其中一樣咁多年好多前輩贊美的地方💛 當你有好的態度去工作，其他人都會見到的。
6) 觀察（Observe）
現場有幾萬樣嘢學！睇清楚人哋點做，多觀察每個部門嘅流程，做得耐自然就識。
7) 唔好怕問（Ask）
拍戲係複雜行業，經驗重於大師班。唔識就開口問，機會難得，要問要學！🎓
8) 尊重（Respect）
尊重場地、街坊、行人，仲有每一個工作人員同演員。呢啲係基本，唔使多講。
9) 專注力（Attention）
拍戲就係細節取勝！專心拍好每個Shot，同時準備下一場，無縫銜接。
10) 一齊合作（Team Work）
拍戲係Team Work，唔係你一個部門既事情咁簡單，全部人一齊做好作品先係好。
👏
當然每一個部門負責既事係不一樣，但大家永遠都係同一條船。
如果以自私的角度去拍戲，咁樣團隊好易失去平衡。
「Make sure everyone is shooting the same movie」
🎥 入行新人記住啦～
